Thursday, July 5, 2007

سلملي علي العدالة

كنت أعمل في أحد مكاتب الكمبيوتر بجوار محكمة الجيزة الابتدائية وكنت دائما عند ذهابي وعودتي من العمل الاحظ دائما وجود العبارة الشهيرة ( العدل أساس الملك ) مكتوبة على واجهة المحكمة نعم صحيح العدل اساس الملك وإذا أختل العدل في دولة ما اختلت معه الدولة ويحضرني الآن موقف حدث عند نهاية الحرب العالمية الثانية، اجتمع رئيس الورزاء البريطاني تشرشل بحكومته لتقييم الأضرار الناجمة عن الحرب، وكانت تقارير الوزراء حول الدمار الذي شهدته بريطانيا مرعبة ومتشائمة للغاية، إلا أن تشرشل سأل وزراءه، ما هي حال القضاء ؟
فأجابوه القضاء بخير، فرد عليهم قائلاً: إذا بريطانيا بخير ومن الممكن إصلاح كل شيء.
إذا فلا خلاف على أن القضاء أساس اي دولة ومقياس لتقدمها
وكنت في أحد الأيام اطالع جرائد الصباح وفوجئت بأن احد المتهمين في الولايات المتحدة الأمريكية تم القاء القبض عليه وهو يقوم بالسرقة وأثناء القبض عليه فقد أحد اسنانه فحكمت له المحكمة بتعويض قدره 150000 دولار
طبعا زمان اي واحد بيقرا دلوقتي بيقول طيب اخد 100000دولار وينزولي صف اسناني مش مشكلة
المهم ده تعويض لمتهم فعلا عمل جريمة ومتلبس بالجريمة مابلكم بواحد ماعملش حاجة واتبهدل في القسم عشان بس قال كلمة حق على كده بقى عماد الكبير صاحب القضية الشهيرة اللي اتبهدل في القسم وطلع عينه المفروض ياخد كام ؟
يحضرني هنا كلمة محمد عبده عندما قال ذهبت لبلاد الفرنجة فوجدت اخلاق الاسلام بلا مسلمين وعدت إلى بلاد المسلمين فوجدت مسلمين بلا اسلام
وسلملي على العدالة

4 comments:

Anonymous said...

عماد الكبير اخد فيها ياباشا دا الفرق
بره ياخدو تعويض
وفى مصر بياخدو فيه ههههههههههههههههههه

7ntklm said...

بداية موفقة صديقى العزيز عمرو

قومى الى الابد said...

بص عقولك على حاجة فاكر عادل امام فى الفيلم لما كان بيقول حكومة سكونيا اهو احنا كل حاجة بقت سكسونيا وماعدتش تفرق عند الحكومة دى سينا من سونيا وربنا يستر على اللى جايين اكتر مننا على الاقل احنا بدأوا يبظوا عقولنا لما كبرنا شوية انما اللى اصغر منى ومنك باظوا خلاص

سكوت هنصوت said...

والله البلد دي حالها عجب...هو يعني الي بيعذبك ده..مش ابن بلدك...ومتربي في شارعكو...,وواكل معاك من نفس عربية الكبدة الي على ناصية الشارع..طيب سبحان مغير الأحوال...احنا للأسف بقينا شوية افاقين..كل واحد ماسك عصايا للي جنبة....الي يجي فينا الأول هيغز التاني..سلملي بقى عالعدالة
تحياتي